Monthly Archives: January 2018

Os socialistas de Ourense únense á loita da Plataforma en Defensa do castelo de Monterrei tralas aberrantes obras de formigonado dun camiño real

Acudiron á concentración convocada o 28 de xaneiro ante as obras aberrantes de formigonado realizadas pola Xunta de Galicia no camiño medieval que rodea a fortaleza

“O uso indebido e innecesario deste ben público e actuacións danosas co patrimonio, son xeitos de facer política só amparados polo curtopracismo e afalta de valores do PP”, denuncia a executiva

WhatsApp Image 2018-01-29 at 10.18.33

Ourense, 29 de xaneiro de 2018. A executiva provincial do PSdeG-PSOE de Ourense amosou onte o seu público apoio á Plataforma pola Defensa do Castelo de Monterrei. O secretario provincial, Rafael Rodríguez Villarino, e o secretario de organización, Juan Carlos Francisco Rivera, acompañaron ó alcalde socialista de Verín, Gerardo Seoane, e ás numerosas persoas que participaron na concentración como repulsa á unha nova vexación deste emblemático conxunto monumental: o formigonado do camiño medieval que rodea á fortaleza.

O apoio da dirección provincial do partido enmárcase nas accións desenvolvidas durante os últimos anos por esta plataforma, coa finalidade de recuperar o carácter público dunha construción emblemática secuestrada polas políticas do PP. E que, na actualidade, o monumento é un ben privativo do que só poden desfrutar os acaudalados hóspedes que se aloxan no que agora é unha instalación hoteleira que resulta, ademais, inxustificable debido á existencia, a só uns metros, dun parador nacional erixido nos anos 60 que, nin por asomo, cubre o seu aforo. De feito, está pechado durante longas temporadas.

“O uso indebido e innecesario deste ben público e actuacións danosas co patrimonio senlleiro galego como o vergoñento formigonado, son xeitos de facer política só amparados polo curtopracismo e a ausencia de valores públicos que caracterizan ó Partido Popular”, denuncia a executiva do PSdeG-PSOE. Os socialistas aseguran que “a fortaleza é unha construción singular cun alto valor extratéxico no eido cultural e turístico, que debe ser utilizada pola cidadanía co debido respecto patrimonial, así como con miras ó seu aproveitamento público e ó desenvolvemento de toda a comarca”.

O socialismo ourensán, a través da súa secretaría de memoria histórica, rende tributo á memoria das vítimas do Holocausto da nosa provincia

 

MEMORIA

O socialismo ourensán, a través da súa Secretaría de Memoria Histórica, rende tributo á memoria das vítimas do Holocausto da nosa provincia

Ourense, 27 de xaneiro de 2017. O 1º de novembro de 2005 a Asemblea Xeral das Nacións Unidas designou o 27 de xaneiro como o Día Internacional da Memoria das Vítimas do Holocausto e, por extensión, de todas aquelas persoas que viron truncada a súa vida por mor do fanatismo, a intransixencia e crueldade fascista. En España o Golpe de Estado de xullo de 1936 deu inicio a unha das etapas máis negras da nosa historia, unha etapa tinguida de odio, de morte e sangue, de medo e humillación para milleiros de persoas no noso país. A natureza fascista e xenocida da ditadura franquista –así considerada desde o ámbito académico – vén de ser recoñecida poucos días atrás polo propio Parlamento Galego nunha declaración institucional coa que restablecer a memoria de milleiros de homes e mulleres vítimas da senrazón.

O historiador Enrique Barrera na súa obra Galegos en Mauthausen infórmanos de que 179 foron os galegos que sufriron reclusión nos campos de exterminio nazi, 34 dos cales eran ourensáns. José García Rodríguez, Manuel Yebra Dacoba, Julio Rajó Lorenzo, Antonio Villar Febrero, Isauro González Prada, Tiberio Fernández Lorenzo, Jesús Vázquez Valdominos, Avelino Pérez Rodríguez, Abilio Álvarez Bernardo, Antonio Diéguez Blanco, Benedicto Folla Arias, Ramón Conde Ramos, Antonio Araújo González, Manuel Soutullo Iglesias, Antonio Vázquez González, Eligio Formoso Fernández, Jesús Fernández Rodríguez, Demetrio Rey Domínguez, Magin Pérez López e Alberto Suárez Gallego encontraron a morte vítimas dos traballos forzados, as torturas ou as penosas condicións de vida ás que os someteron os soldados nazis no tristemente célebre campo de exterminio; doutras catro persoas máis, Antonio Pérez, Francisco Cortez, Francisco Iglesias Fernández e Santiago Durán Durán nada máis se voltou saber.

De Mauthausen e outros centros de exterminio nazis chegaron a ser liberados os ourensáns:

- Joaquín Balboa García, nacido o 22-08-1908 en Estevisiños (Monterrei). Ingresou en Mauthausen procedente de Trier o 3 de abril de 1941 e foi liberado polas tropas norteamericanas o 05-05-1945.
- Serafín Blanco Valcárcel, nacido en Ourense o 08-01-1912. Foi feito prisioneiro o 24-01-1943 e trasladado ao campo de concentración de Sachsenhausen. Foi liberado o 03-05-1945.
- Julio Domínguez Rodríguez, natural de Quintela de Leirado, nacido o 01-04-1916. Foi deportado a Mauthausen o 25-03-1944 e liberado o 05-05-1945.
- Albino González González, nacido o 18-11-1915 en Mones (Petín). Foi trasladado ao campo de concentración de Mauthausen o 03-04-1941, procedente de Trier. Foi liberado o 05-05-1945.
- Luis Iglesias Grande, nacido o 05-09-1913 en Currás. Foi deportado desde Trier a Mauthausen o 25-01-1941 e liberado o 05-05-1945.
- Manuel López Martínez, nacido en Señorín o 25-08-1915. Foi conducido desde o campo de Fallingbostel a Mauthausen o 08-09-1940. Foi liberado co resto de españois o 05-05-1945.
- José Mosquera González, nacido en Ourense o 14-06-1918. Foi deportado a Mauthausen procedente de Moosburg o 06-08-1940. Liberado tamén o 05-05-1945.
- Egidio Piñeiro Conde, nacido o 13-08-1913 en Taboadela. Ingresou en Mauthausen procedente de Trier o 25-01-1941. Foi liberado o 05-05-1945.
- José Rivada Nóvoa, natural de Rivela, nacido o 26-12-1914 e deportado a Mauthausen o 13 -12-1940. Foi liberado o 05-05-1945.
- Verísimo Rodríguez Ollero, nacido o 25-05-1919 en Paderne de Allariz. Foi deportado desde Moosburg a Mauthausen o 06-08-1940. Foi liberado o mesmo día cos seus compañeiros.
- Jaime Vázquez Estévez, nacido en Bouzadrago (Entrimo) e deportado a Mauthausen desde o campo de Sandbostel o 03-03-1941. Quedou en liberdade o 05-05-1945.

Os socialistas ourensáns, comprometidos como estamos coa Memoria Histórica, desexamos ter un agarimoso recordo e rendemos tributo ás vítimas da barbarie fascista nesta data tan especial, entendendo que este compromiso coa memoria é algo permanente e un dos nosos signos de identidade. É por iso que a nova Comisión Executiva Provincial do PSdeG-PSOE de Ourense conta cunha Secretaría de Memoria Histórica que traballará para manter a chama viva de todas as vítimas do fascismo, a cal proximamente dará a coñecer as súas iniciativas e proxectos. Xa que logo, para todas as vítimas vaian aquí o noso fraternal recoñecemento e sentida homenaxe.

Finaliza o noso 3º Congreso coa elección dos órganos provinciais

 

imagen web

Velaquí os listados dos novos órganos provinciais elixidos hoxe:

Comisión Executiva Provincial:

Sº Xeral: Rafael Rodríguez Villarino
Vicesecretario de Relacións Institucionais: Álvaro Vila Araújo
Sº de Organización: Juan Carlos Francisco Rivera
Sª de Política Municipal: Susana Rodríguez Estévez
Sª de Acción Electoral: Diego Fernández Nogueira
Sª de Igualdade: Zaida Rodríguez Camba
Sª de Economía: Xosé Carlos Valcárcel Doval
Sª de Política Social: Ofelia Puente Carracedo
Sª de Memoria Histórica: Francisco Javier Quintas Ferreño
Sª de Formación: Estela Estrada Mosquera
Sª de Medio Ambiente: José Antonio Pérez Domínguez
Sª de Educación: María Alida Iglesias Gil
Sª de Sanidade: Emilio González Afonso
Sª de Activismo, Movementos Sociais e Diversidade: Andrea Carballo Nóvoa
Sª de Infraestruturas e Ordenación Do Territorio: Federico Pérez Mato
Sª de Cultura: Isabel Salgado Parada
Sª de Novas Tecnoloxías: Manuel Rego López
Sª de Dereitos e Liberdades: Susana Rodríguez Rodríguez
Sª de Demografía e Despoboamento: María Alexia Guede Fernández
Sª de Xustiza: José Javier García Gago
Sª de Traballo: Beatriz Domínguez Rodríguez
Sª de Medio Rural: José Alberto Martínez Morales
Sª de Emigración e Inmigración: Luís Gulín Iglesias
Sª de Industria e Comercio: María Jesús Miranda Cortés
Sª de Administración e Función Pública: José Antonio Corral Álvarez
Sª de Turismo e Patrimonio: Antón Alonso Suárez
Sª de Deportes: José Nicanor Muñoz Palacios
Sª Executiva: Sara Inés Vega Núñez
Sª Executiva: Antonio González Fiuza
Sª Executiva: Laura Requejo González
Sª Executiva: Juan Manuel Quintas Lorenzo
Sª Executiva: Rosa María Outerelo Baca
Sª Executiva: María Ángeles Álvarez Ramos
Sª Executiva: José Luís Rodríguez Ferrer
Sª Executiva: Benigno Rodríguez Rodríguez
Sª Executiva: Berta Rodríguez Pérez
Sª Executiva: Rafael Pérez Martínez
Sª Executiva: Juan Carlos Martínez Iglesias
Sª Executiva: José Rodríguez Gómez
Sª Executiva: Aurentino Alonso Araújo

Membros do Comité Provincial elixidos polo Congreso:

1. Laura Carmen Seara Sobrado
2. Manuel Rodríguez Vázquez
3. Teresa Taboada Capón
4. Álvaro de Castro Palomares
5. Carmen Figueiral Iglesias
6. Antonia Álvarez Veiga
7. Marcos Rodríguez Parada
8. Miguel Fidalgo Areda
9. Rosario Rodríguez Delgado
10. Miguel Ángel Rodríguez Ojea
11. Marina Tallón Núñez
12. Germán Aurelio García Ávila-Arias
13. María Jesus Boo Montes
14. Enrique Camoeiras Rodríguez
15. Jesusa Rodríguez Castro
16. Wilson Jones Romero
17. Beatriz Rodríguez Bóveda
18. Aníbal Nocelo Valencia
19. Aída González Fernández
20. María Ángeles Fernández Villarino
21. José Luís Rodríguez Dobaño
22. Margarita Pérez Fernández
23. José Carlos Rivera Gil
24. Dolores Cernada Gallego
25. Gelasio Bernárdez Bugueiro
26. Maria Rajo Martínez
27. Edmundo González Nóvoa
28. Maria Aída Rodríguez Vázquez
29. Enrique Álvarez Santana
30. Aidita Menor Vila
31. Adrián Varela Vázquez
32. Ana Maria Pereira Saborido
33. Santiago Barja Barja
34. Natividad Pérez Corzo
35. Ángel Barba Alonso
36. Rosa María Pérez Yáñez

Comisión Provincial de Ética:

- Presidente: Adolfo Pérez Abellás
- Camilo Ocampo Gómez
- Marina Estévez González
- Mónica Vázquez Blanco
- Francisco Magide Pizarro

Comision Provincial de Control Económico:

- Presidente: Pablo Lorenzo Dorado
- José Luis González
- Rubén López Rodríguez
- Michely de Oliveira Souza
- Eva Maldonado González

Comisión Electoral Provincial:

- Marina Tallón Núñez
- Benigno Rodríguez Rodríguez
- Antonia Álvarez Veiga
- Adolfo González Nóvoa
- Francisco Quintas Grande

A nosa Agrupación Provincial clausurou este mediodía o seu 3º Congreso ordinario, no que Rafael Rodríguez Villarino, vencedor das Primarias, foi proclamado Secretario Xeral dos socialistas na provincia.

Neste proceso congresual, celebrado no auditorio do Conservatorio Profesional de Música da cidade, no que participaron máis de duascentas cincuenta persoas, entre delegados/as e convidados/as, acreditáronse 71 delegados. As porcentaxes de aprobación coas que foron refrendados os novos órganos do partido son os seguintes:

- Comisión Executiva Provincial: 68,5 % (50 votos a favor, 23 brancos, 0 nulos)
- parte de elección polo Congreso do Comité provincial: 63,3 % (45 a favor, 26 brancos, 0 nulos)
- Comisión Provincial de Ética: 66,1 % (47 a favor, 24 brancos, 0 nulos)
- Comisión Provincial de Control Económico: 64,7 % (46 a favor, 25 brancos, 0 nulos)

Durante a súa primeira intervención, Rodríguez Villarino, tivo palabras de lembranza para algúns destacados compañeiros do socialismo ourensán, e apelou ó “diálogo” co fin de “fortalecer” o PSdeG en Ourense. Na segunda intervención, xa durante a clausura de congreso, afirmou que a nova Executiva “é de todos e de todas porque somos servidores do partido e da cidadanía”. “Os que estamos na executiva e os demais compañeiros e compañeiras do partido, debemos estar xuntos para transformar esta provincia clientelar e, por iso, imos conseguir te-la primeira Deputación socialista da historia de Ourense”, anunciou. “Non temos medo e imos saír ás rúas para convencer e emocionar ás persoas de que hai unha alternativa”, dixo Rodríguez Villarino xusto antes de lembrar que “xa acabaron as nosas loitas internas porque a xente está esperando por nós”.

3º Congreso Provincial ordinario do PSdeG de Ourense

Logo Congreso

Mañá, sábado 20 de xaneiro, esta Agrupación Provincial celebrará o seu 3º Congreso Ordinario.

A cita terá lugar no Conservatorio Profesional de Música da cidade (R/Pablo Iglesias s/n, Ourense), coa seguinte orde do día:

09:00h.: inicio das acreditacións

10:00h.: inauguración do Congreso (acto aberto), incluíndo:
- ditame da comisión de credenciais
- elección da mesa do Congreso
- saúdo do/a presidente/a do Congreso
- proclamación do Sº Xeral Provincial
- intervencións
- elección da Comisión Electoral

(a partires deste momento, as horas previstas son orientativas, pois dependen da extensión dos distintos traballos do Congreso:)

11:00h.: constitución das comisións

12:00h.: debate e aprobación dos ditames das comisións

12:30h.: votación das candidaturas aos órganos provinciais

13:15h.: proclamación dos resultados das votacións e constitución da nova Comisión Executiva Provincial

14:00h.: sesión de clausura (acto aberto)

Os militantes do partido poderán asistir aos actos sinalados como “abertos”, coa limitación do aforo do auditorio no que se celebran. Neles contaremos coa presenza e intervencións do Sº Xeral do PSdeG, Gonzalo Caballero, e doutras persoas relacionadas coa historia do socialismo en Ourense.

“O NODO de Baltarnia”

 

Edit2

Rafael Rodríguez Villarino
Secretario Provincial do PSdeG-PSOE

Como o xeneralísimo acaparaba co NODO a atención dos sofridos súbditos, agora unha vice-júnior dos Kennedy (ou Vice-Jr. que se diría en USA) inunda as páxinas dun diario local da man do caudillo de Baltarnia (que é un Jr., neste caso de Baltar). Entre tanta ledicia dese mundo imaxinario, Miss Kennedy (ou a señorita Kathleenita que se diría por aquí) refrescou o seu espírito no camiño francés, fogueouno nas termas das Burgas, e ata viu -¡qué casualidade!- a un afamado grupo gravando, gorxa en berro, sobre as pedras dun mosteiro. Logo, ela e o seu cicerone Baltar lambiscaron nun castelo e na casa presidencial, rematando coa guinda das compras en Ourense: unha cidade accesible ¡ata para unha humilde vice-americana! E repetirase a experiencia este mesmo ano, iso se dixo (sen fondos públicos, espero).

Ata aquí a artificial e vacua crónica oficial. Atrás queda a realidade. Fóra das lindes de Baltarnia está Ourense. Unha provincia que o socialismo provincial convida a coñecer á benxamina actriz para que pregue por nós ante USA, Europa, a ONU e o sursuncorda antes de que desaparezamos do mapa. Un espazo que esmorece por mor da inacción do quen a guiou por Baltarnia, así como da súa rede clientelar. Un clan político que esmaga a provincia dende hai trinta anos e trafica electoralmente cos fondos públicos con desapego da súa inexorable agonía, mentres xera unha insoportable dor co insultante sorriso dos selfies e da ourensanía.

Ourense, a real, é líder estatal en envellecemento (e sitúase entre as máis envellecidas de Europa e do mundo), emigración e consumo de viño; amosa o peor PIB galego, e as pensións e as rendas máis baixas; conta con máis pensionistas que contribuíntes… carece de futuro para a mocidade e para os demáis, e non dispón de plans gobernamentais (de ningunha das administracións públicas). lsto é a provincia Auriense: un deserto á vista, ata de quen non o quere ver. A conta atrás hai tempo que comezou.

De feito, a goma xa borrou un montón de pobos dos que nin rastro queda. Como ela -Miss Kennedy- dixo que recuncaba este mesmo ano, algunha aldea quedará para vela antes de que sexamos un simple accidente sociodemográfico. Si, veciñas e veciños, conveciñas e conveciños, dentro duns anos (non moitos) haberá quen veña da meseta, do mar, de Lugo ou de Portugal, e lea nunha guía de viaxe ianqui: neste oco existiu un lugar que non era a Baltarnia visitada polos Kennedy, senón unha terra milenaria e esquecida que se chamaba Ourense.

Teñamos ou non teñamos visitas de Miss ou Mister Marshall, os socialistas amosamos a nosa máxima disposición para seguir a mesturarnos coa cidadanía, cos sindicatos, coas organizacións empresariais, e para ver, escoitar, planificar e construír, unha provincia realmente mellor, máis xusta e proveitosa para nós e para as seguintes xeracións. Para facelo contaremos coa xente desta provincia e coas axudas útiles e verdadeiras que se precisen.

A degradación da sanidade en Ourense non é cousa do inverno, senón da Xunta do PP

A nosa deputada no Parlamento galego, Noela Blanco sumouse á concentración cidadá en contra da decisión do goberno galego de reducir de novo o número de camas no CHUO, “convertendo unha situación crítica en insostíbel”.

O déficit de prazas prodúcese nun centro que leva oito anos soportando recortes.

Blanco anunciou iniciativas parlamentarias fronte á “intolerábel” decisión da Consellería de Sanidade de reduci-las novas unidades de 21 a 36 camas, que se suma ao déficit de máis de 100 camas derivado do peche do Hospital de Piñor, e a un “sobreaforo crónico” doutras tantas no CHUO; e trasladoulle aos traballadores e pacientes do mesmo o apoio dos socialistas galegos á protesta cidadá convocada pola Comisión de Centro, á que se sumaron os veciños ourensáns “cansos de recortes e carencias na sanidade pública”.

conc

 

 

O PSdeG-PSOE de Ourense lamenta con moito pesar o pasamento de Antonio Rodríguez Penín

05/01/2018
By

O exedil no Concello de Ourense e exsecretario de Organización do PSdeG-PSOE foi, dende moi novo, un relevante exemplo da defensa dos principios socialistas e do servizo público ós cidadáns

O PSdeG-PSOE de Ourense lamenta con moito pesar o triste pasamento do compañeiro e amigo Antonio Rodríguez Penín, hoxe venres 5 de xaneiro do 2018, vítima dun cáncer contra o que loitaba dende hai meses. A familia socialista da provincia ourensá recibe con fondo pesar esta mala nova e achega todo o agarimo e condolencias á súa familia e amizades máis próximas. Estamos ante unha perda irreparable dunha persoa que demostrou, dende moi novo, a súa incansable paixón por defende-los ideais e principios socialistas e que, co paso dos anos, se converteu nun relevante exemplo de servizo público ós cidadáns, a través do seu incansable traballo nas institucións públicas, como axente da Policía Nacional e concelleiro no Concello de Ourense

Aproveitamos para agradece-las numerosas mostras de afecto que fomos recibindo nesta triste mañá.

Que a terra lle sexa leve.