Monthly Archives: July 2014

O Grupo Socialista na Deputación recorrerrá ao Valedor ante a vulneración dos seus dereitos

10/07/2014
By

Hai varias semanas que o Grupo Provincial Socialista se interesou por cales son as persoas que están contratadas na empresa de capital mixto Aquaourense. Porén, o Presidente da Deputación de Ourense non facilita a información sobre contratacións na mesma.

A sociedade provincial de augas e Medio Ambiente Aquaourense está participada por unha empresa privada e pola Deputación Provincial de Ourense. Xa que logo, debe estar sometida ao control da oposición no ente provincial.

Esta empresa se encarga, entre outras tarefas, de xestionar abastecemento e saneamento de augas, e foi promovida polo anterior presidente, José Luis Baltar.

Dende o noso Grupo Provincial Socialista sospeitamos que en Aquaourense entraron a traballar familiares de cargos do Partido Popular, e mesmo familiares directos do actual Presidente da Deputación, José Manuel Baltar. E por iso tamén sospeitamos que o actual Presidente se ampara en informes dos técnicos para non facilitar a listaxe de contratados en Aquaourense.

O Presidente da Deputación de Ourense pretende facer crer que ao chegar el mudaron as formas na institución provincial, pero nada máis lonxe da realidade. Dende o Grupo Socialista xa vimos denunciando cómo cambia o método pero non o fondo, para favorece-los intereses das persoas afíns ao PP. Agora, en troques das contratacións directas, o que se estila son as asistencias técnicas a familiares e cargos dese partido.

Ademáis, tamén poidemos comprobar cómo se realizan concesións de subministros de materiais, de centos de miles de euros, a empresas vinculadas a cargos e ex-cargos do PP.

Agora que todos coñecemos cal foi o método empregado polos “baltares” para que José Manuel Baltar gañase o congreso do PP de Ourense e que logo se fixera coa presidencia da Deputación, indo ás agochadas, de suplente, nunha candidatura, podemos observar que emprega as técnicas do seu pai para manterse no poder.

E vistas a información da que dispoñemos sobre a utilización da sociedade mixta “Aquaourense” para empregar a familiares, e o feito de que Baltar Blanco se nega a facilitala, acudiremos ao Valedor do Pobo para pedirlle amparo ante tal vulneración dos dereitos fundamentais do noso Grupo Provincial.

Realizamos esta petición de amparo antes de empregar outros medios, para que non se nos acuse de xudicializa-la vida política, pero sospeitamos que, unha vez máis, imos ter que acabar empregando dita vía, polo escurantismo que emprega Baltar Blanco.

O voceiro do Grupo Socialista da Deputación, Ignacio Gómez, conclúe que “a transparencia de Baltar Blanco é unha gran farsa, e todo pantalla”, xa que non se pode estar enchendo páxinas de xornais “vendendo” fume sobre a transparencia, e logo non practicala no día a día.

Pero así é José Manuel Baltar, un vendedor de fume que é o único que se cre a súa propia farsa sobre a rexeneración democrática da Deputación.

Seara cualifica de “lamentábel”, o afán de Baltar por “colgarse a medalliña” pola decisión do Ministerio de Fomento de someter a nova información pública o tramo d’A Peroxa da A-76

02/07/2014
By

A nosa deputada no Congreso, Laura Seara, cualificou esta mañá de “lamentábel” o que considera “un desmedido afán de Manuel Baltar por colgarse a medalliña” respecto da decisión adoptada polo Ministerio de Fomento de someter a nova información pública o tramo da autovía A-76 ao seu paso pola zona de Penalba.

O pasado 1 de abril, Seara pediu a comparecencia da ministra Pastor no Congreso e denunciou que o Ministerio elixira para o tramo d’A Peroxa da A-76, un trazado diferente aos previstos, que non fora sometido a alegacións nin a información pública. Apuntou xa entón que a alternativa finalmente elixida non se corresponde con ningunha das sometidas a información pública no 2008, e reprobou “a absoluta indefensión á que Fomento somete aos cidadáns afectados, ao non levar a cabo nova alternativa nin a información pública, nin a período de alegacións”.

Así mesmo, Seara criticou “as descaradas mentiras” do Ministerio nunha nota informativa distribuída pola Subdelegación de Goberno en Ourense o pasado 28 de abril, na que se afirmaba que o trazado elixido era un dos que sometera a información pública no 2008.

Ademais, Seara trasladou estas denuncias a unha pregunta oral no Congreso dos Deputados o pasado mes de maio. En resposta ás peticións da nosa deputada, o Secretario Xeral de Infraestructuras, Manuel Niño González, recoñeceu textualmente que “cando avancemos na redacción dos proxectos nese tramo, non descartamos unha nova información pública”.

Durante a súa intervención naquela pregunta oral, a compañeira denunciou o ocultismo do Ministerio, de xeito que “nin sequera o alcalde d’A Peroxa, do PP, sabía que a A-76 pasaría polo seu concello”. Así, sinalou que foi o voceiro municipal socialista n’A Peroxa, Antonio González Fiúza quen, no pleno municipal do 18 de setembro do 2013, advertiu ao alcalde do PP que a A-76 pasaría polo concello. Posteriormente, nun pleno municipal do 28 de novembro dese ano, o alcalde sostivo que o actual presidente da Comisión de Fomento do Congreso e deputado do PP pola nosa provincia, Celso Delgado, lle dixera que non se variaría o trazado da A-76 e que esta non pasaría pola Peroxa. “É incríbel” afirmou daquela Seara, e por iso solicitou entón a Niño González que arroxase “luz sobre este disparate”, na mesma Comisión de Fomento do Congreso.

A compañeira tamén esixiu no Congreso resposta sobre os motivos polos que o Ministerio decidiu non facer enlace en ningún punto do Concello d’A Peroxa coa A-76, e sobre qué criterios técnicos prevaleceron para determinar que dita autovía pasase por ese. Ademais, vén reclamando dende o 2012 a licitación urxente da A-76, trasladando ao Ministerio, no 2013, as demandas realizadas polos alcaldes das comarcas de Valdeorras, Lemos e o Bierzo, recalcando que a licitación desta autovía “é prioritaria, pero nada xustifica que o Ministerio non someta a información pública o trazado elixido, imposibilitando que os posibles prexudicados aleguen o que consideren necesario”.

Xa que logo, ante a nova decisión do Ministerio de levar a cabo a información pública preceptiva para o novo tramo elixido, a deputada celebra “que dean por fin os seus froitos as reiteradas denuncias dos socialistas pola intención de Fomento de aprobar un trazado sen información pública, e as reiteradas solicitudes dos socialistas” para que o Ministerio abrise “un novo período de alegacións”.

Con todo, critica que “a Baltar só lle interesa saír na foto, e non ten ningún escrúpulo para intentar arrogarse un mérito que, dende logo, non é seu”.

O PSdeG apoia a “implantación inmediata” do Grado de Enxeñería Física no Campus de Ourense

01/07/2014
By

Plataforma Enxe+¦er+¡a Ourense3-1

Membros da Plataforma ProCampus levaron hoxe a súa reivindicación sobre o Grado de Enxeñería Física ao Parlamento de Galicia, co apoio dos grupos da oposición.

O PSdeG apoia a “implantación inmediata” do devandito Grado no Campus de Ourense. “A indefinición para a súa posta en marcha só responde a unha decisión política da Xunta do PP”, asegurou noso Secretario Provincial e deputado autonómico Raúl Fernández.

Os representantes da Plataforma e esixiron “cordura” á Xunta para que a reunión do Consello Galego de Universidades do vindeiro día 11 aprobe a implantación deste título.

Fernández lembrou ao respecto que “a Xunta tiña considerados os argumentos para a súa implantación como suficientes; o Grado de Enxeñería Física xa existe en Cataluña e os socialistas temos presentado varias iniciativas para a posta en marcha do título”

No ano 2009, no contexto da posta en marcha do coñecido como Plan Boloña, a Licenciatura de Física non foi convertida a Grado no campus universitario da cidade, o que levou ao seu peche. No 2012, o TSXG anulou o peche e, en cumprimento da sentenza, propúxose a creación do Grado de Enxeñería Física. En outubro de 2013, a Universidade de Vigo remitiu á Xunta a proposta de implantación deste Grado, e o Goberno galego declarou en xaneiro “a pertinencia socioeconómica” do mesmo.

O noso compañeiro subliñou que a reivindicación “é un clamor na cidade de Ourense, e só unha decisión política do Presidente da Xunta e do conselleiro Jesús Vázquez impiden a súa implantación”.