Monthly Archives: December 2012

O 2012 supuxo un monumental engano e un descomunal castigo para os galegos

30/12/2012
By

FIDALGO E SEARA
A nosa deputada no Congreso e senador, Laura Seara e Miguel Fidalgo, respectivamente, cualificaron onte o ano de Goberno de Mariano Rajoy “como unha autentica estafa”. Seara afirmou que o 2012 “foi un monumental engano e un descomunal castigo para os galegos, sobre todo para os da Galicia interior, particularmente para as provincias de Lugo e Ourense”.

Nunha rolda de prensa, a nosa deputada no Congreso asegurou que Rajoy se presentou ás eleccións “ofrecendo lebre, pero serviu gato tóxico que esta envelenando aos cidadáns”, tanto dende o punto de vista social como económico, e que tódalas decisións do seu Goberno “xogaron en contra de Galicia”, nomeadamente na provincia de Ourense.

Seara criticou o feito de que haxa “109.098 pensionistas ourensáns que se verán afectados pola decisión de Rajoy de non revaloriza-las pensións”, o que supón unha perda de 9,6 millóns de euros; unha decisión que lembra “tamén foi un engano”, xa que foi negada taxativamente polo PP nas distintas comparecencias parlamentarias e declaracións dos seus dirixentes. Tamén advertiu de que o PP ten “unha axenda oculta para reforma-lo sistema de pensións”, anunciando que, dende o PSdeG-PSOE, “ímonos a opoñer con total rotundidade a calquera reforma que non teña o respaldo dos sindicatos, dos empresarios e do Pacto de Toledo”, como si sucedeu coas emprendidas polo PSOE; e avisou: “se non hai o mesmo consenso social que o acadado co Partido Socialista, estaremos en contra”.

A compañeira tamén observou que o PP considera a provincia de Ourense “como un territorio colonizado “, xa que só a visitan “de cando en vez, para recoller votos; e mentres, esquécense todo ano dos problemas dos ourensáns”; subliñando tamén que a nosa é unha terra que precisa “políticas de discriminación activa para desenvolve-los seus sectores produtivos”.

No que se refire ás infraestruturas ferroviarias, Seara voltou a advertir de que os ourensáns “non saben qué vai a pasar coa chegada da Alta Velocidade”, que o proxecto sobre o soterramento de vías ao seu paso pola capital “leva agochado un ano” xunto co da estación intermodal na mesma, que os socialistas “temos sospeitas de que este gran proxecto pode ser modificado”, e que dende o PP non se desmentiron esas advertencias realizadas polo Partido Socialista “sobre o futuro desta estación”; e anunciou que o PSdeG-PSOE rexistrará unha batería de iniciativas parlamentarias de periodicidade semanal “ata coñecer cales son as intencións do Goberno de Rajoy sobre a chegada da Alta Velocidade e o proxecto de soterramento” de vías, pois ten a sospeita de que o PP “quera voltar ao trazado antigo, o que suporía unha auténtica cicatriz na cidade”.

A deputada afirmou que, coas cifras na man, o Goberno de Rajoy “ten un balance de 500 000 parados mais en España, 5000 parados mais na nosa provincia, e case que 38 000 parados mais en Galicia”, e comprometeuse a traballar arreo “para facer unha oposición ao Goberno firme, útil e dura”, e a que “ante cada aldraxe a Galicia e Ourense, Rajoy e o PP recibirán non só unha denuncia”, senón “tamén unha proposta alternativa”.

Pola súa banda, o noso senador sostivo que o PP e o Goberno de Rajoy deben “comparecer en cada concello de Galicia para explicarlle aos cidadáns que prometeron unha cousa e fixeron xustamente o contrario”, xa que desa xestión “deben respostar tódolos cargos orgánicos” dese Partido, dende os alcaldes ata o seu presidente provincial, e pediu que “expliquen cómo están a desmonta-la Lei de Dependencia, a tele-asistencia e a Sanidade, e por qué se pechan residencias, ou por qué se vai a favorece-lo ensino relixioso”.

Miguel Fidalgo aludiu tamén ás supresións de trens da provincia, como a liña a Sanabria, e ao peche de Paradores, reclamando explicacións ao Goberno de Rajoy respecto a “por qué se exclúen danos dos incendios na provincia”, xa que “o PP fixo unha lei para indemnizar a partir do 1 de xuño”, o que perxudica gravemente respecto aos grandes incendios que se produciron, antes desa data, na nosa provincia.

O compañeiro afirmou que a “folla de ruta do PP” presenta un “sistema de caridade, e outro de negocio para os mais ricos, para que os mais ricos teñan unha Educación, unha Sanidade unha Dependencia e unha Xustiza de elite”; e alertou do “deterioro da democracia e nas conquista sociais”, concluíndo que “a economía de Rajoy é un puro desastre”.

Os socialistas esiximos explicacións pola denegación de axudas aos afectados polos lumes que se produciron antes de xuño na nosa provincia

29/12/2012
By


A deputada ourensá no Parlamento galego Carmen Acuña, rexistrou no mesmo unha iniciativa na que esixe explicacións ao goberno de Feijóo sobre denegación de axudas aos afectados pola vaga de lumes que se produciron antes do mes de xuño.

Acuña explica que ven de coñecer que o goberno central só contempla axudas para palia-los danos producidos nos lumes se estes se produciron a partir do mes de xuño, e advirte que esta decisión do PP “prexudica, e moito, a Galicia, xa que tres dos máis grandes lumes do ano 2012 se produciron na nosa terra e antes desa data: Fragas do Eume, Xurés e Carballeda de Avia (os dous últimos na nosa provincia).

Por elo, o Grupo Parlamentario Socialista quere obter respostas ás seguintes cuestións: “cómo contempla o goberno galego as axudas aos afectados polo incendio do agosto pasado na comarca de Valdeorras, qué contía van ter esas axudas, cales son as condicións para acceder a elas, cantos afectados cree o goberno que se poderán beneficiar das mesmas, e cando poderán acceder a elas, se as axudas virán do goberno da Xunta de Galicia ou do goberno do Estado, a canto estima o goberno que ascenden as perdas, e qué infraestruturas e instalacións de titularidade municipal resultaron afectadas”, entre outras.

Debate: “O PSOE ante a desafección política”

27/12/2012
By
cartelDebate
A Secretaría de Formación da agrupación provincial de Ourense está a organizar diversas actividades para o ano 2013, que esperamos sexan do interese dos militantes e simpatizantes.
Debate: “O PSOE ANTE A DESAFECCIÓN POLÍTICA”
Descripción: debate sobre a imaxe dos representantes políticos, a desafección da cidadanía coa política, e as medidas que o PSOE podería tomar para recuperar a confianza dos cidadáns en diversos ámbitos: transparencia, limitación de mandatos, primarias, acceso á función pública…
Data: venres, 4 de xaneiro,
Hora: 19:15
Lugar: local da agrupación provincial, en Ourense
Modera: Francisco Fraga Civeira, alcalde de Piñor

Coloquio sobre Fiscalidade e Xustiza Social, organizado por Xuventudes Socialistas de Ourense

26/12/2012
By

O vindeiro sábado 29 de Decembro, as Xuventudes Socialistas de Ourense organizan unha charla-coloquio, aberta, baixo o título “Fiscalidade e Xustiza Social”, na que intervirá Antía García,  Licenciada en Dereito pola Universidade de Vigo,  actualmente é inspectora da AEAT e membro da Escala Superior de Finanzas da Xunta de Galicia en excedencia. A ponencia versará, dun xeito participativo, sobre a importancia capital que a política fiscal ten como mecanismo vertebrador da xustiza social e da súa eficacia como ferramenta redistribuidora da riqueza.

Máis información na web das Xuventudes Socialistas de Ourense.

Raúl Fernández acusa a Feijóo de mentir sobre a paralización da autovía a Portugal pola Baixa Limia

24/12/2012
By

Os/As socialistas acusamos a Feijóo de “mentir, enganar e agocharse de xeito covarde” tralos alcaldes, para paraliza-la autovía a Portugal pola Baixa Limia

O Secretario Provincial e voceiro de Infraestruturas do Grupo Socialista no Parlamento galego, Raúl Fernández, fixo esta afirmación tras coñece-las declaracións de Feijóo nas que acusa aos alcaldes da provincia de Ourense “de dificulta-la autovía a Portugal”. Fernández afirma que o único responsábel da paralización deste proxecto “é un ourensán que se chama Alberto Núñez Feijóo”.

O compañeiro lembrou as constantes “soflamas” e promesas do PP sobre a execución desta infraestrutura: “primeiro comprometeuna o Conselleiro de Infraestruturas, e agora o máximo responsábel do goberno decide que non é prioritaria”. Pola contra, o compañeiro subliñou a boa disposición que amosaron tódolos/as alcaldes/esas das comarcas de Ourense, Celanova e Baixa Limia para a construción deste vial.

Fernández acusou a Feijóo de mentir “descaradamente”, posto que recibiu “unha autovía perfectamente planificada e adxudicada”, entre Ourense e a fronteira portuguesa na Baixa Limia, lembrando que a Xunta está así a recortar “un proxecto estratéxico para o desenvolvemento da provincia de Ourense”, e enmarcou este feito no empeño de Feijóo en castigar á provincia de Ourense, algo que o noso Sº Provincial coida que o Presidente fai “cada vez que pode”.

Neste caso, ademais, o voceiro parlamentario de infraestruturas tamén acusou a Feijóo de “manter unha actitude covarde”, ao escudarse en falsas acusacións contra os/as mandatarios/as locais, e esixiulle que “dea a cara diante tódolos ourensáns e non se esconda” tras esas falsas acusacións.

Pola nosa banda, o compañeiro anunciou que o Grupo Socialista no Parlamento galego impulsará unha batería de iniciativas parlamentarias en tódalas Administracións “para que esta infraestrutura, que é capital para a provincia, se leve a bo termo”.

Pachi Vázquez: “A militancia socialista queda orfa dunha das personalidades máis salientables da longa historia dos socialismo e do galeguimo”

23/12/2012
By

A Comisión Executiva do PSdeG-PSOE ven de manifestar, a través do seu Secretario Xeral, Pachi Vázquez, a fonda consternación e dor dos socialistas galegos ao coñecer o pasamento do seu compañeiro, Ceferino Díaz. “A militancia socialista queda orfa dunha das personalidades máis salientables da longa historia do socialismo e do galeguismo”, engadiu.

Vázquez trasladou á súa familia a solidariedade e o desexo de compartir do xeito máis sentido e próximo a dor pola perda de quen demostrou ser un exemplar referente no persoal e no político. “Poucos coma el souberon defender os nosos principios e valores democráticos, éticos, de xustiza e liberdade”.

“A súa contribución á democracia, ao Estado do Benestar e ao Autogoberno en Galicia figuran xa nos anais da nosa historia, sendo decisiva nos momentos máis difíciles, emprendendo unha loita que sería esencial para a Galicia e para o socialismo”, recordou o dirixente socialista. Salientou a importancia do papel xogado polo político e profesor na incorporación do pensamento e do sentimento galeguista e socialdemócrata á conformación do PSdeG-PSOE como partido e como alternativa á dereita en Galicia. Así como o histórico papel desenvolto tanto na elaboración como na reforma do Estatuto de Autonomía.

Para Pachi Vázquez o seu exemplo de entrega e amor pola vida, a súa capacidade de continuar empurrando polos seus compañeiros en momentos de debilidade ou desorientación fixeron de Ceferino Díaz un recurso imprescindible para o fortalecemento dos alicerces dos que rebrotar en circunstancias difíciles.

“Sen dúbida, Ceferino Díaz, ocupa dende hoxe un lugar prominente dentro do reducido elenco de persoeiros galegos, bos e xenerosos, que tanto fixeron por Galicia e aos que tanto lle debemos” engadiu o Secretario Xeral do PSdeG-PSOE.

“Pero a súa vida, acurtada prematuramente, non foi en balde. Seguirá estando nos nosos corazóns para sempre. Descanse en paz este gran amigo, compañeiro e guía do socialismo e do galeguismo, a quen nunca esqueceremos” concluíu Vázquez.

Seara denuncia a “paralización e o silencio do Goberno” respecto da estación intermodal de Ourense

23/12/2012
By

A nosa deputada no Congreso, Laura Seara, presentou unha batería de iniciativas parlamentarias coas que esixe ao Goberno central que “explique os motivos polos que non comezaron as obras da estación intermodal de Ourense”. Seara advirtiu de que “parece que entre os plans do Goberno está acabar con proxectos emblemáticos para a provincia de Ourense, e temémonos que este sexa un deles”, xa que, como lembrou “este é un proxecto que se adxudicou no 2011 co Goberno socialista, e que o PP se encargou de paralizar”.

Para basear esta afirmación, a compañeira fixo un recordatorio da traxectoria precedente, afirmando que “a chegada do AVE a Galicia, e particularmente a Ourense, se viu ameazada dende que o actual Goberno do PP, tomou posesión: semana tras semana asistimos a un baile de prazos, cifras e compromisos por parte da Ministra Pastor e de diferentes responsables do Ministerio de Fomento: primeiro foron as licitacións, logo o cambio de trazado na súa entrada na cidade de Ourense, máis tarde as decisións contraditorias respecto dun posible soterramento das vías, que logo dun ano non resolveron, e agora é a estación intermodal proxectada na cidade a que se cuestiona por parte de Fomento”.

Para os/as socialistas, como tamén lembrou a deputada “a redacción do proxecto xa está adxudicada a un equipo de arquitectos de gran prestixio e con vínculos moi directos coa cidade”, e “o Goberno debe responder sobre se considera que a cidade de Ourense non merece unha estación das características do proxecto adxudicado”, recalcando que “non só é un grave erro paraliza-la construción dunha estación chamada a se-la central de Galicia”, senón que elo, ademais, “constitúe unha nova discriminación a unha cidade e unha provincia que necesitan como poucas de políticas de acción positiva por parte de tódalas administracións públicas”.

Por todo elo, Seara esixiu no Congreso que o Goberno aclare “cando comezarán as obras para a estación intermodal, se prevé modifica-lo proxecto e, de ser así, canto pretende a Ministra aforrar coas devanditas modificacións”.

Paralización do proxecto de erradicación do chabolismo en A Fontela

22/12/2012
By

Faro de Vigo Chabolismo CarballiñoOs/As socialistas de Carballiño consideran indignante que a Xunta paralizase indefinidamente o proyecto de erradicación do chabolismo en A Fontela.

Ver a nova completa en El Faro de Vigo

 

O grupo socialista do Pereiro presentou mocións para axudar ás familias con escasos recursos económicos.

22/12/2012
By

O PSdeG de Pereiro presentou varias mocións para axudar ás familias con escasos recursos económicos e nenos ao seu cargo.

Ver a nova completa en El Faro de Vigo

 

Advirten do risco de que os estafados polas preferentes non poidan recobrar os aforros da súa vida

19/12/2012
By

A parlamentaria socialista, Carmen Gallego, condenou a pasividade da Xunta de Galicia diante da posibilidade de que os aforradores estafados polas participacións preferentes e as obrigas subordinadas “perdan os seus aforros de toda unha vida”. Porque “unha cousa é que os inversores, que decidiron libremente arriscar os seu diñeiro teñan unha quita, e outra que as persoas que se comercializaron fraudulentamente estes produtos perdan todos os seus aforros”.

Gallego demandou do Conselleiro de Economía, Francisco Conde, que faga “un pequeno esforzo” e, aproveitando a coincidencia de color político, falen co FROB e co Goberno de España para que “se estenda a arbitraxe a todos os afectados”. “Vostede está para ser notario do que pasa ou para gobernar e axudarlle aos cidadáns de Galicia a resolver os seus problemas?”, recriminou a deputada socialista ao conselleiro. Recomendoulle ao Goberno aproveitar a maioría electoral recollida para “darlle impulso político ás decisións que estean na súa man ou nas do Goberno de España”.

“Deixen de escaquearse e póñanse a traballar” dixo ao Conselleiro, porque “a esta xente vanlle quitar os cartos de toda a súa vida e están desesperados”. Recordou que “levamos máis dun ano” falando deste asunto no Parlamento de Galicia e que os populares teñen votado a favor de iniciativas para poñer solucións a este asunto en reiteradas ocasións.

Os afectados polas preferentes están a protagonizar manifestacións e peches en distintos sitios de Galicia. Preocupados, sinala Gallego, porque logo de que pasou o proceso electoral, a arbitraxe aberta a través do Instituto Galego de Consumo “foise ralentizando”, baixaron os laudos, hai menos persoal atendendo a arbitraxe.

Unha arbitraxe que segue sendo opaca, pouco transparente. Ninguén, nin da Xunta, nin do IGC, nin de Novagalicia Banco é capaz de dicir cales son os criterios polos que algúns afectados reciben resposta e outros seguen esperando.

“7.000 persoas de 100.000 afectados non é un balance do que debera sentirse orgulloso o titular de Economía e Industria”. Esta “opacidade e ralentización” preocupa aos socialistas, porque temen que a consecuencia sexa que só unha pequena parte dos afectados das preferentes van solucionar o problema pola vía da arbitraxe, o resto terá que optar pola vía xudicial. Un recurso que, desde onte, costa mais caro aos usuarios, como recordou Gallego, pola entrada en vigor do “tasazo” de Gallardón.

A parlamentaria pontevedresa reprochou ao membro do Executivo debutante que seguira o guión preestablecido por Feijóo e os seus compañeiros de Goberno comparecendo na Cámara para ofrecer un relatorio de situación en que non faltan as culpas ao goberno de coalición e a Zapatero. Carmen Gallego recordoulle que este problema retrotraese a 2003, cando Aznar era presidente, Rajoy vicepresidente, e Feijóo vicepresidente do Goberno de Fraga.

Recriminou a socialista a falta de transparencia da Xunta en todo este proceso, “escudándose na protección de datos” para non ofrecer información sobre o número de afectados que cobraron e os que quedan por cobrar, cal é o perfil das persoas que van poder someterse á arbitraxe, e así “clarear un pouco o futuro desta xente”.

Reprocha que deputadas populares, facéndose pasar por directoras xerais, se foran a entrevistar cos afectados para prometerlle que ían ser sometidos a arbitraxe para que deixaran de protestar e Feijóo puidera facer os actos electorais con normalidade. Condena tamén que alcaldes do PP digan publicamente que vai falar coa Xunta para que os seus veciños se poidan acoller á arbitraxe.

Gallego esixiu coñecer a auditoría de KPMG sobre as caixas, que o Goberno continua ocultando, porque de non aparecer datos sobre as preferentes e as subordinadas, vai ter que “pagala do seu peto”.