Infraestructuras

Os socialistas de Leiro lembran a necesidade de instalar pasos elevados e medidas redutoras da velocidade na estrada OU-209

O Grupo Municipal Socialista no Concello de Leiro presentou, hai xa dous anos, unha moción na que instaba á Xunta ao arranxo e instalación de pasos de peóns elevados ou redutores de velocidade na OU-209, de titularidade autonómica. Naquel intre, o goberno municipal do PP non foi quen de aprobar esta moción e votou en contra da mesrna. Porén, a Xunta efectuou o arranxo (recoñecendo implicitamente o mal estado que denunciaban os socialistas de Leiro), pero sen instalar pasos de peóns elevados e redutores de velocidade na estrada, polo que a perigosidade da mesma, aínda existe.

Dase a circunstancia, relatan dende o Grupo Socialista, de que a estrada OU-209. constitúe a entrada ao á capitalidade do municipio e, polo tanto, transita por núcleo urbano; polo que moitos veciños fan uso de, e cruzan, diariamente, esta estrada, sen as medidas de seguridade axeitadas, co perigo que elo supón.

Por esta razón, en aras da seguranza, sobre todo, dos peóns, o grupo municipal socialista de Leiro, presentou a devandita moción no 2014, instando, non só ao arranxo da vía, senón tamén á necesaria instalación de medidas redutoras de velocidade, como os pasos de peóns elevados. Está amplamente, comprobado que ditos pasos dan unha boa referencia aos viandantes sobre os vehículos e, ao temo, obrigan á redución de velocidade dos segundos cando pasan por eles.

Os socialistas de Leiro lembran que é un dereito da administración local, para asegura-la xestión dos seus propios intereses, promove-las actividades e os servizos públicos que sexan precisos para satisface-las necesidades da cornunidade veciñal. Por isto mesrno o Concello debe asegura-la necesidade de seguranza da poboación e aproba-la instalación e sinalización adecuada dos elementos redutores de velocidade na estrada OU-209. Pero, no canto diso, votaron en contra da moción socialista.

Os socialistas de Leiro instan, de novo a que se tomen estas medidas de seguranza imprescindibles para a vida diaria, e se poida previr unha posíbel desgraza futura. Así mesmo, coidan que as razóns do rexeitamento da súa moción plenaria foron puramente partidistas, para non ter que esixir a unha Administración gobernada polo mesmo partido, algo cuxa necesidade é evidente para calquera veciño de Leiro.

Dende o PSdeG de Leiro, xa que logo, queren facerlle ver ao alcalde e ao seu Grupo de Goberno, que o seu deber é para coas necesidades do pobo de Leiro, e ínstanos a que recapaciten, recoñezan o erro de non aprobar esta moción, e esixan á Xunta a súa actuación inmediata, para non lamentar futuras consecuencias.

Os socialistas de Leiro demandan información sobre o posíbel cambio de proxecto da nova pasarela sobre o río Avia

Paseo_fluvial_río_Avia2,_concello_Leiro,_Ourense

Os socialistas de Leiro rexistraron no Concello, unha solicitude de informe técnico ao arquitecto municipal, para que informe sobre a redacción dun novo proxecto de pasarela no río Avia, e mailos seus verdadeiros motivos.

O Grupo Municipal Socialista de Leiro tiña coñecemento da redacción dun proxecto, pero a veciñanza informoulle dunha nova ubicación (concretamente, veciños ás que lle foi solicitada a cesión de terreos ao Concello na mesma) e, polo tanto, un novo proxecto.

Estes feitos, demostran a reiterada denuncia do voceiro socialista, Manuel Rodríguez, no senso de que o Alcalde e o seu grupo de goberno, actúan por impulsos, con falla absoluta de previsión, acuciados pola falla de ideas e de xestión.

Por outra banda, a través dese mesmo escrito, os socialistas de Leiro, pediron tamén estuda-los proxectos das obras nas rúas Eiján e Gabino Bugallal, xa nin estas comezaron nin se entende o motivo desta paralización. Obras que foran anunciadas a bombo e címbalos polo alcalde.

Por último, o Grupo Municipal Socialista no Concello de Leiro, destaca que leva dezaoito días sen recibir resposta a un escrito que presentou o pasado 19 de maio, no que pedían as copias das facturas da Festa da Vendima e de certas obras realizadas durante a campaña das eleccións municipais do 2015. A demora en explica-los gastos que se produciron en ambos casos, poden provocar unha lóxica desconfianza sobre o seu contido.

O PSdeG de Ourense, celebra unha reunión interparlamentaria para marcar as liñas extratéxicas do partido, a nivel institucional, desta lexislatura.

23/04/2016
By

DSCN6273

NA REUNIÓN, MANTIDA ENTE O SECRETARIO PROVINCIAL, RAÚL FERNÁNDEZ E O PORTAVOZ MUNICIPAL DO PSOE, JOSÉ ÁNGEL V. BARQUERO, TEN COMA LIÑA ESTRATÉXICA FUNDAMENTAL GARANTIR O DESENVOLVEMENTO SOCIO-ECONÓMICO DA PROVINCIA E DA SÚA CAPITALIDADE.

 

Ourense, 23 de Abril de 2016. No día de onte, tivo lugar unha reunión INTERPARLAMENTARIA na sé do PSdeG de Ourense presidida polo S.X. Provincial Raúl Fernández e o Portavoz do PSdeG no Concello de Ourense, José Ángel Vázquez Barquero, entre outros cargos institucionais e orgánicos; para marcar as liñas estratéxicas nos diferentes ámbitos institucionais nos que temos presenza, o PSdeG de Ourense: Deputación, Parlamento Galego e Cortes Xerais.

O traballo dos e das socialistas ourensáns e os seus representantes será en positivo, co primordial obxectivo de que  os homes e mulleres desta provincia que marchan en idade produtiva, polas pésimas condicións socioeconómicas que imperan nesta provincia logo de longos anos de gobernos populares, teñan a oportunidade de quedar, vivir e traballar na  provincia de Ourense.

Dun xeito máis particular, determinouse que a liña principal de actuación ten que ser a integración do AVE na cidade e o cumprimento das datas de remate da infraestructura. Así coma outras cuestións de enorme importancia para a comarca de Ourense coma poden ser a de dar solución ás demandas cidadáns, particularmente as que reclaman a titularidade pública do Centro de Velle (recollendo a inciativa das ANPAS) e de Vilamarín e a solución definitiva da construcción do centro de saúde do Couto, así coma a importante cuestión do transporte metropolitano, entre outros. Determinouse o mantemento de reunións periódicas, coma a celebrada onte, para facer o seguimento e avaliación destas demandas.

O debuxo político da Provincia de Ourense e, nomeadamente, da capital de provincia baixo os gobernos do PP, non é bo para os e as cidadáns.

Sabemos que o persoal público de amplos servizos básicos da Xunta de Galicia, foron reducidos dende que goberna o Sr.Feijoo. Soamente en Educación e en Sanidade, falamos de perto de 3.000 persoas menos. Pola contra, existen amplos servizos que están a ser privatizados por este goberno, principalmente no ámbito dos servizos públicos e sociais. Baste ver as numerosas licitacións levadas a cabo pola Consellería de Traballo para a xestión de centros sociais.

Son varios, os ámbitos que, principalmente, inciden negativamente no noso entorno:

Por unha banda, a reforma laboral levada a cabo polo goberno de Rajoy supuxo o maior ataque aos dereitos laborais dos traballadores/as, cunhas consecuencias nefastas.

Na reunión celebrada onte, recordáronse algunhas, que teñen incidencia tamén no eido das contratacións públicas:

  • Devaluación salarial.

  • Un aumento das contratacións a tempo parcial. Máis da metade dos traballadores/as galegos a tempo parcial, non cobran nin o salario mínimo: o 55 % gana menos de 638 euros/mes.

Ademais, o que se denomina “postos de traballo equivalentes” , onde se ten en conta tanto o número de persoas que traballan como o tempo de duración de tal traballo, segundo datos da propia contabilidade estatal, no que respecta a Galicia, diminuíu o número de horas traballadas en relación ao ano anterior.

Pese a tales datos, algúns están a defender – sen rubor –  que Galicia saíu xa da crise.

En suma: peores condicións salariais e precarización laboral.No ámbito da lexislación administrativa, reseñar que, o PP  aprobou a lei de calidade dos servizos públicos e da boa administración. Nesta norma, incluíanse os servizos prestados de xeito indirecto e contratados a empresas privadas.

Esta realidade afecta de forma singular á provincia de Ourense. Os ourensáns e ourensás  xa non se apuntan ao paro, senón que optan pola emigración a outros lugares de España ou ao estranxeiro, temos un saldo demográfico negativo que aboca a esta provincia a unha crise permanente. Esta é a radiografía dunha provincia en grave retroceso e abandono polas Administracións Públicas gobernadas polo PP: Xunta, Goberno Central e Deputación Provincial.

INCUMPLIRON TODAS AS SÚAS PROMESAS CON OURENSE:

  • SUBA DE IMPOSTOS: IRPF

  • COPAGO FARMACÉUTICO E SANITARIO (ORTOPEDIA, AMBULANCIAS, ETC.)

  • DESPEDIMENTO DE MÉDICOS, PERSONAL SANITARIO E PROFESORES

  • PECHE DE CENTROS EDUCATIVOS E AULAS

  • CONXELACIÓN DAS PENSIÓNS

  • RETRASO INXUSTIFICADO DA CHEGADA DO AVE

  • EMPRESAS FANTASMAS COCHES ELÉCTRICOS, XAMÓNS, PATACAS FRITIDAS, CIDADE DO MOTOR…)

Déronlle A PUNTILLA Á PROVINCIA CUNHA NOVA LEI DE REFORMA DA ADMINISTRACIÓN LOCAL, QUE LLE QUITA COMPETENCIAS E SERVIZOS AOS CONCELLOS PARA DARLLOS Á DEPUTACIÓN. ESTA LEI SIGNIFICA A PRÁCTICA DESAPARICIÓN DOS CONCELLOS DA PROVINCIA (ningún agás a capital sobrepasa os 20.000 habitantes) E A ASUNCIÓN POLA DEPUTACIÓN DOS SERVIZOS PÚBLICOS.

PÓDESE AFIRMAR CON ROTUNDIDADE QUE AS NOVAS LEIS E A POLÍTICA DA XUNTA E DO GOBERNO CENTRAL XOGAN A FAVOR DO DESEQUILIBRIO TERRITORIAL, CONDENANDO Á PROVINCIA DE OURENSE A SER A RESERVA RURAL DE GALICIA.

En resume, os e as deputadas socialistas imos  traballar de forma insistente en acadar para esta provincia e a súa capital melloras no seu desenvolvemento, a través de propostas reais

  • PLAN DE EMPREGO:

BOLSAS/CONTRATO PARA A MOCIDADE

CONTRATOS PARA MULLERES

  • PULO AO CRECEMENTO:

PLAN EMPRENDEMENTO: EMPRESAS INNOVADORAS

PLAN EMPRENDEMENTO MEDIO RURAL: INICIATIVAS EMPRESARIAIS QUE CREEN EMPREGO NO MEDIO RURAL

PLAN EMPRENDEMENTO ECONOMÍA SOCIAL: EMPRESAS DE SERVIZOS SOCIAIS

  • PULO Á INNOVACIÓN NOS SECTORES ESTRATÉXICOS:

Madeira/Forestal, Viño, Sector agrogandeiro, Sector Termal.

O PSOE de Punxín denuncia os termos do convenio de abastecemento da auga entre o Concello de Punxín e a Deputación, apoiado polo grupo de Cambio Intelixente.

01/04/2016
By

No pleno celebrado este Xoves, 31 de Marzo, no Concello de Punxín, quedou manifestamente claro o descoñecemento, real ou simulado, do Alcalde no que respecta ao contido dos Convenios que decide firmar coa Deputación, tendo en conta que foi o Voceiro do Grupo Cambio Intelixente o que explicou no pleno o contido de dito Convenio. O Partido Socialista defende, en todo momento  que a adhesión a este convenio é contraria aos intereses veciñais, contendo custos incrementados de xeito inxustificado, que, loxicamente, recaerán nos recibos dos veciños.

O Grupo Municipal Socialista no Concello de Punxín, destaca, unha vez máis, as contradicións do Grupo Cambio Intelixente, ao non apoiar coas súas accións o que o seu Voceiro viña defendendo nestes últimos anos, abandeirando un movemento veciñal en contra da privatización do servizo da auga e forzando a saída da empresa concesionaria do servizo naquel momento. Paradoxicamente e, pola contra, é agora cando, co seu voto, volve a meter en mans da Deputación, a primeira fase de abastecemento que corresponde ao bombeo.

No Pleno desenvolvido hoxe pola mañá, a Voceira do Grupo Municipal Socialista, Rosa Mª Outerelo , referiuse á cuestión, destacando o seguinte: “ A Deputación, como administración pública, presenta informes económicos con custos sobredimensionados e sen base ningunha, obviando o carácter público da prestación de servizos imprescindibles para a cidadanía. Presta servizos a través de Aquaourense, cubrindo cos custos, os intereses persoais e políticos do PP. O Alcalde, ao ser requerido polas razóns polas que non rebaixan os recibos da auga, alega que o Concello xa está a pagar o 50% deses recibos e que deberan ser os propios veciños e veciñas os que se fixeran cargo do 100% do custo total. Di todo isto, a pesares de vender o aforro na prestación do servizo. Para nós, é unha mostra máis de incongruencia e de que non lle importan os intereses da veciñanza de Punxín”.

 

Moi habilmente, os Alcaldes de Cenlle, San Amaro e Punxín xunto coa Deputación e Cambio Intelixente (segundo manifestou o seu Voceiro no Pleno) levan meses consensuando ás costas de tódolos veciños e veciñas, a aprobación deste Convenio.

Por outra parte, desde o G.M Socialista, presentouse unha moción na que se solicita que se estableza o máximo permitido de bonificación do 95% da cota íntegra do IBI para os bens inmobles nos cales se desenvolvan actividades agrícolas ou gandeiras e que, para aquelas explotacións agrícolas e gandeiras, o coeficiente de tributación a aplicar sobre o valor catastral sexá do 0,3%,  aos efectos de minorar no que sexa posible os incrementos que o procedemento de revisión catastral supón para os veciños e veciñas. Revisión que se ve agravada, neste caso, pola solicitude do Alcalde da actualización de coeficientes que vai incrementar a cota, irremediablemente, ao incrementarse a base impoñible. Por parte do PP e de CI non se votou a favor da súa aprobación ao considerar que o aforro é irrisorio e que o Concello necesita cartos; dende o Partido Socialista considérase que a xestión deste goberno está nun único  interese, que non é outro que o de incrementar as arcas municipais  a costa dos veciños e veciñas de Punxín.

Dende o PSOE de Punxín, seguirán defendendo os intereses dos veciños, sendo cada vez máis complicado, debido á unión de PP e CI, votando en contra das nosas propostas aínda que supoñan melloras para a veciñanza. Así mesmo, proseguirán a reivindicar os incumprimentos dos Convenios por parte da Deputación e a desidia do Alcalde.

O Grupo Provincial Socialista presenta unha Moción para que a Deputación, tome as medidas axeitadas para manter as condicións de seguridade e uso da redes viarias provincial e local, afectadas polas obras do AVE.

30/03/2016
By

O Grupo Provincial Socialista, presentou unha moción para someter a debate no vindeiro Pleno da Deputación, este Xoves 31 de Marzo,destinada a que se tomen as medidas axeitadas por parte da institución provincial, en aras de que se protexa a rede viaria de Ourense ante os numerosos danos ocasionados polas obras do AVE. Na mencionada moción, instase a que a Deputación adopte as oportunas disposicións para que as estradas da Rede Viaria Provincial se manteñan nas condicións adecuadas de uso e seguridade mentres duren as obras de construción da alta velocidade ferroviaria.

 

Así mesmo, os socialistas coidan que é imprescindible que se cree unha Comisión Técnica de seguimento do estado e actuacións a levar a cabo na rede viaria provincial afectada con representantes do Ministerio de Fomento e da Deputación Provincial. E que, unha vez se vaia deixando de traballar nos diferentes tramos, se vaian executando as melloras nas estradas utilizadas polas empresas construtoras conforme ós requerimentos feitos polos servizos técnicos desta institución.

Do mesmo xeito, o Grupo Socialista, considera que se deben adoptar, exactamente, as mesmas medidas para coa rede viaria local, posto que as obras da alta velocidade están afectando ao tránsito e á seguridade en numerosos Concellos da nosa provincia.

 

Por outra banda, o Voceiro do Grupo Provincial Socialista, Nacho Gómez, considera que a Ministra de Fomento, Ana Pastor, está a actuar nesta cuestión dun xeito superficial. Recorda, o Voceiro, que na derradeira visita da Ministra ás obras, o pasado 21 de Marzo, ésta culpou ás construtoras dos danos causados e prometeu que serán estas empresas as que van correr cos custos das obras de reparación acometidas pola propia ADIF. Dende o Grupo Socialista, entenden que se debe esixir responsabilidade ás construtoras pero que o Estado e as administracións competentes non poden quedar de brazos cruzados coma ata o de agora. Non é de recibo que Ana Pastor acuda, unha e outra vez, a mirar o estado das obras e os prexuízos ocasionados, namentres se saca a foto de promoción e non se toman medidas inmediatas de reparación. Deixar pasar o tempo só vai a empeorar o estado e a seguridade das estradas provinciais e locais de Ourense e privar aos veciños e veciñas dos Concellos afectados dun uso das mesmas nunhas condicións adecuadas que permitan o normal desenvolvemento da súa vida económica e diaria. O goberno do PP, debe garantir que se acometan esos arranxos e non agardar a que finalicen as obras ferroviarias e se corra o risco de que as empresas non se responsabilicen dos estragos causados.

 

Destaca, así mesmo, Nacho Gómez que é unha das principais obrigas da Deputación de Ourense; a de manter nas condicións axeitadas de seguridade e actualizar estas estradas ás novas demandas e necesidades, en troques, esta institución, considera, non o está a facer de xeito minimamente satisfactorio. Con frecuencia moitas actuacións de melloras no trazado, eliminando curvas ou ancheando a vía, quedan sen rematar por anos e soamente se atenden cando hai citas electorais.

Os socialistas piden para Galicia a titularidade da AP-9, “Unha infraestrutura estratéxica que perdeu o seu papel dinamizador”, resalta Raúl Fernández, Voceiro de Transportes do PSdeG no Parlamento autonómico.

21/03/2016
By

OURENSE. 17.01.2015. PSOE, R PRENSA RAUL FERNANDEZ.FOTO: MIGUEL ANGEL

Os socialistas demandaron o pasado 15 de Marzo, no Parlamento, a transferencia a Galicia da titularidade e as competencias sobre a AP-9, “unha infraestrutura vital e estratéxica que perdeu o seu papel dinamizador”.

 

O Voceiro de Transportes do PSdeG, Raúl Fernández, lembrou que “a AP-9 é o principal eixo de comunicación de Galicia, une cinco cidades e ten un papel fundamental para a economía e a cidadanía galega”. Os socialistas votaron a favor do ditame elaborado en comisión para demandar no Congreso dos Deputados a titularidade da autoestrada.

Na mesma sesión plenaria, e no mesmo punto da orde do día, o Parlamento galego aprobou, por unanimidade, elexir aos deputados dos Grupos Parlamentarios para defender, perante o Congreso dos Deputados, a transferencia da titularidade e competencias da AP-9 a Xunta de Galicia : polo BNG Ana Pontón , polo PP Jesús Goldar e polo PSdG, o propio Raúl Fernández.

 

“A AP-9 debe estar ao servizo dos galegos e non doutros intereses a costa dos galegos, naceu como unha oportunidade de crecemento, pero perdeu atractivo e agora converteuse nunha carga inasumible para familias e empresas”, manifestou Fernández.

 

“Hai unha suba constante das peaxes con afán recaudatorio, non ten bonificacións por horarios ou épocas do ano e o propio ministerio recoñece que é una das autoestradas máis caras de España, os vehículos lixeiros pagan 20 euros para ir de Ferrol a Tui”, engadiu o socialista.

 

“Diferentes factores provocaron una caída non seu papel dinamizador, reducindo os beneficios para os usuarios en favor da concesionaria, a AP-9 perdeu competitividade, polo que apoiamos a petición de transferencia da titularidade”, rematou.

 

Demandamos o remate as obras da estrada de Leiro a Pena Corneira

O Voceiro do Grupo Socialista na Deputación, Ignacio Gómez, acudiu ao chamado feito polos compañeiros do Grupo Municipal Socialista no Concello de Leiro, para coñecer de primeira man o deplorábel estado da estrada provincial que comunica a este Concello do Ribeiro con Pena Corneira (no límite con Carballeda de Avia). Manuel Rodríguez, Voceiro dos socialistas de Leiro, deulle traslado ás numerosas queixas recibidas por parte dos veciños e usuarios da estrada, ante o mal estado da mesma, que afecta á súa seguridade.

A devandita estrada, de titularidade provincial, ao seu paso por Lebosende, presenta unha situación lamentábel, con sinalizacións deficientes, numerosas fochancas, un contedor colocado enriba dunha fosa séptica, mal executada, sen rematar, con alta perigosidade, e tramos nos que non poden cruzarse dous vehículos. Após a reiteras queixas realizadas polo Grupo Municipal Socialista, sen que fosen atendidas por parte da Deputación, os leirenses resolveron traslada-lo problema, de enorme gravidade, ao noso Grupo Provincial.

Instamos ao grupo de goberno provincial do PP para que a que lle esixa á empresa encargada da obra, Cruzval, que remate de inmediato os arranxos na estrada e que o faga con eficacia. A Deputación, contratou esta obra con esta empresa por un valor de 60 000 €, e parécenos indignante que deixaran a estrada en tales condicións. É hora que a institución provincial esixa o remate e posta a punto da estrada, xa posto que a empresa contratada ten que ter un aval ou garantía para poder facelo.

Asemade, consideramos que non é de recibo que a Deputación establecera alí un posto de traballo e vaia se-la propia institución a que remate unha obra ante o incumprimento da empresa: non se poden poñer recursos públicos ao servizo dunha empresa privada sen esixirlle que cumpra co acordado e que se responsabilice das súas obrigas. O problema destas obras mal rematadas, é da empresa e non se pode permitir que a propia Deputación lle saque as castañas do lume.

E xa que o noso Grupo Provincial acudiu ao lugar das denuncias veciñais, para coñecer o caso e escoitar aos veciños, podemos recomendarlle a Baltar Blanco que faga o mesmo, que visite o territorio e coñeza as necesidades dos ourensáns, no canto de andar de xira promocional.

Nacho Gómez, considera que a Deputación ten que atender, coma prioridade, ás necesidades, “problemas e desfeitas que acontecen en todo o territorio ourensán”, e non a subscribir convenios, como o recente sobre o CHUO que só benefician os intereses da Xunta, que é a verdadeira responsábel do entorno do centro  hospitalario.

Celebramos unha xornada informativa para explica-la Lei do solo de Galicia a alcaldes e voceiros socialistas na provincia

IMG_3978

Secretarios Xerais das Agrupacións Municipais e voceiros municipais do noso Partido e provincia, participaron na xornada informativa celebrada esta tarde na nosa sede provincial, na que o ex-Alcalde de Santiago e deputado autonómico, Xosé Sánchez Bugallo, e noso o Secretario Xeral provincial e tamén parlamentario galego, Raúl Fernández, explicaron pormenorizadamente a nova lei do Solo de Galicia, e atenderon as dúbidas e consultas dos compañeiros.

Xosé S. Bugallo tamén é vogal na Comisión parlamentaria de Ordenación Territorial, Obras Públicas, Medio Ambiente e Servizos, e poñente da propia Lei do Solo.

Consideramos fundamental que os mencionados destinatarios desta xornada, reciban a mellor e máis directa información sobre unha lei que tanto afecta ao devir diario da cidadanía da nosa provincia, para así, estean gobernando ou na oposición, poderen traslada-las súas dúbidas e consultas aos seus representantes autonómicos, de xeito que, posteriormente, podan achegar a mellor información á veciñanza de cadanseus concellos.

Sánchez Bugallo aproveitou para explica-la postura do PSdeG verbo da Lei de materias en proxectos públicos de urxencia ou excepcional interese (aprobada para modificar a Lei do Solo antes da súa entrada en vigor), directamente relacionada coa suspensión do PXOM de Vigo.

O PSdeG DEMANDA A REVISIÓN DO PROXECTO DA PLATAFORMA DE INTEGRACIÓN URBANA DO FERROCARRIL NOS TRAMOS TABOADELA-SEIXALVO E SEIXALVO-TÚNEL DE MONTEALEGRE, PORQUE PERXUDICA A TABOADELA

O PSdeG apoiará as iniciativas cidadáns e movilización en defensa do Concello  de Taboadela

 

 

 

Ourense.- 4.5.2015

 

O PSdeG-PSOE de Ourense demanda a revisión do proxecto de construcción da Plataforma de integración Urbana e Acondicionamento da rede ferroviaria de Ourense nos tramos Taboadela- Seixalvo e Seixalvo- Tunel de Montealegre, porque prexudica á poboación do concello de Taboadela.

Unha infraestrutura destas características e que marcará o crecemento de Taboadela, ten que ser unha oportunidade para toda a poboación e, cando menos, debe contar co consenso do concello e dos veciños.

O 6 de maio publicouse no BOP a relación individualizada e concreta dos bens e dereitos afectados pola construción de dita plataforma.

No tramo Taboadela- Seixalvo hai 33 parcelas afectadas no curso do trazado que discorre polo termino municipal de Taboadela. No tramo Seixalvo-Tunel de Montealegre hai 277 parcelas afectadas no termino de Taboadela, cando o trazado discorre por San Cibrao e Ourense (polígonos. 41,42 e 44)

Estas parcelas vanse adicar a depositar escombros procedentes de diversas zonas do trazado, especialmente no que se refire aos túneles de Rante e Montealegre. Estas parcelas sitúanse preto da zona urbanizable e residencial de Espiñeiro, cun gran valor urbanístico e de potencial crecemento. Ademais de situarse moi preto da residencia da terceira idade.

A expropiación das parcelas para este acopio de material faise, a diferenza doutras zonas, con carácter definitivo e non temporal. En total serán preto de 50 hectáreas e un movemento de escombro de preto de dous millóns de m3 e que prevé que estes alcancen unha altura de aproximadamente catro metros.

Dende o Partido Socialista de Ourense presentáronse iniciativas en tódalas institucións: Concello de Taboadela, a través do portavoz e candidato Álvaro Vila Araujo; Deputación Provincial; Parlamento Galego, a través do deputado Raúl Fernández, e no Congreso dos Deputados, pola deputada Laura Seara. Neste senso o PSdeG apoiará as iniciativas cidadáns e mobilizacións en defensa do Concello  de Taboadela.

Os representantes do PSOE denuncian que estas actuacións van a supoñer un cambio radical na fisonomía da zona, e cuestionamos o informe favorable de Mediambiente sobre esta actuación. Esta decisión vai supoñer un trasiego de vehículos e maquinaria pesada durante varios anos e en traxectos de mais de sete quilómetros, con importantes problemas en canto á funcionalidade e peligrosidade.

Os socialistas solicitamos que se revise a distribución das expropiacións, para que o Goberno central e o Goberno galego en exercicio das súas competencias, estuden a posibilidade de diversificar entre os tres concellos afectados.

 OURENSE. 17.01.2015. PSOE, R PRENSA RAUL FERNANDEZ.FOTO: MIGUEL ANGEL

Seara pide ao Goberno central “que se defina” sobre o Centro de Interpretación de Parques Naturais de Galicia “e retome as obras”

A deputada socialista no Congreso, Laura Seara, acaba de rexistrar na Cámara Baixa unha batería de iniciativas parlamentarias coas que lle pide ao Goberno central “que se defina e aclare cales son as súas previsións verbo do Centro de Interpretación de Parques Naturais de Galicia, en Ourense”. Con estas iniciativas parlamentarias, Seara reclama ao Goberno central “que retome de xeito urxente as obras” do devandito Centro “e da Rede Natura 2000”, e lembra que se trata dun proxecto que puxo en marcha o Goberno socialista, e que o PP de Rajoy e de Feijoó paralizou”.

Para a deputada “é irónico que agora, en campaña electoral, veña” o candidato do PP á alcaldía da capital, Jesús Vázquez, a dicir que ese partido “poñerá en marcha” este proxecto, e que incluso apunte esta infraestrutura no seu programa electoral como un referente medioambiental de Galicia e de Ourense”. Por iso, Seara solicita que “se realmente o PP considera prioritario” o mesmo, “que o Goberno comece as súas obras de inmediato”.

Seara lembrou tamén que “o Centro de Interpretación púxose en marcha a través dun convenio subscrito polo Ministerio de Medio Ambiente e a Xunta”, ambos socialistas, en xullo do 2008, iniciándose con iso as obras, e que “tras unha primeira paralización por parte do Goberno do PP, en novembro do 2012”, “subscribiuse un segundo convenio de colaboración para finaliza-lo Centro”. Porén, o certo é que, a día de hoxe, as obras levan tempo paralizadas, co edificio a medio construír e presentando “un estado de abandono que foi denunciado en múltiples ocasións polo propio Concello de Ourense e polo PSOE”. Pola súa banda, a Xunta, reprocha tamén a deputada “alega estar á espera de redactar novos documentos, pero as obras seguen bloqueadas”.

Seara subliña que “o proxecto iniciado no 2008 é unha novidosa posta en valor da inmensa riqueza natural de Galicia, particularmente da provincia de Ourense, cunha superficie de 3026m2, nos que se prevían funcións expositivas, museísticas e informativas”. Tamén destaca que daquela se establecía que o Centro fose “un referente de divulgación medioambiental, no que se organizasen cursos e congresos relacionados co medio ambiente”.

A deputada considera que “a postura que está adoptando o PP parece indicar que, tanto o Goberno de Rajoy como a Xunta, puideron cambiar de opinión respecto ao Centro de Interpretación de Parques Naturais de Galicia, e por iso o Goberno debe explicar con claridade cal é o desenvolvemento do convenio asinado” e “cando retomará as obras”.